القائمة الرئيسية

الصفحات

جميع المواضيع

اكثر الاساليب فاعلية في تحقيق الاهداف الصغيرة والكبيرة في حياتك | من الان انت وسط احلامك واهدافك

 اكثر الاساليب فاعلية في تحقيق الاهداف الصغيرة والكبيرة في حياتك | من الان انت وسط احلامك واهدافك
اكثر الاساليب فاعلية في تحقيق الاهداف الصغيرة والكبيرة في حياتك | من الان انت وسط احلامك واهدافك

كام مرة اتطلب منك تنجز حاجه مهمة ومحصلش؟

كام مرة كان عندك عدد مهام ومخبصتش حتي نصها ؟ 

كام مرة قررت تخلص كل الي عليك ومنجحتش ؟

كام مرة عملت قايمة مهام ليومك ومنجحتش حتي تخلص نصها ؟


كلنا عندنا نسبة من الكسل والتسويف فحياتنا والي بتسببلنا تراخي ف اننا نحقق كل اهدافنا واحلامنا الي احنا بنطمح لتحقيقها لاكن في شخص بيقف قدام نفسو ويقرر يتحكم فحياتو وبياخد قرار حاسم يقضر ينهي بيه كل الكسل الي فحياتو الي مانعو للوصول لحلمو او تحقيق هدفو وفي شخص تاني مبتغيرش وثابت مكانو لانو عجبو منطقة الراحه الي حابس نفسو فيها والي استحاله توصلو لحلمو فيوم م الايام عشان كده انهاردة كتبت المقالة دي للشخص الاول الناجح الي بيقف وقفة جد قدام نفسو عشان يقضر يتخلص من كل العقبات الي بتحول بينو وبين تحقيق حلمو وكتب المقالة دي بناء علي مقالات اجنية وخبرة ناس كتير ناجحة الي احنا ان شاء الله ف يوم هنقضر نبقي زيهم لما نحقق اهدافنا وكمان المقالة مكتوب فيها خلاصة افضل كتب التنمية البشرية وتحفيز الذات لتحقيق الاهداف ف تابع المقالة لنهايتها عشان تقضر تعرف ازاي تحقق كل اهدافك بمرونة.
 

ما هو الهدف ؟

في علم النفس يقال ان الهدف هو كل ما يسعي اليه الفرد من اجل تحقيقه فدا يثبتلك ان حياتنا عبارة ان مجموعة من الاهداف سواء الصغيرة او الكبيرة ..المهمة او الغير مهمة لكن اهداف الانسان الناجح تختلف تماما عن اهداف الانسان الكسول الي مش عاوز يحقق اي حاجه وحابس نفسو فمنطقة الراحه والي هنتكلم عنها في مقال تاني وهنوضح فيه ازاي تخرج من منطقة الراحه الي الحياة الي هتساعدك تنتج اكتر وتبقي حد نشيط عندو اهداف حابب يحققها ودا الي اتعلمتو من خلال كتاب لا بطعم الفلامنكو. والابتعاد عن خمسة اشياء حتي تكون شخص ناجح

ما هي الخطوات الفعالة لتحقيق الاهداف؟

بعد البحث الطويل من خلال متصفح البحث جوجل قضرت وصلت لعدد كبير جدا من المعلومات عن افضل الخطوات الفعالة التي اققضر من خلالها احقق اهدافي سواء الاهداف الصغيرة او الكبيرة ودا وصلتلو من خلال بعض الكتب والمقالات وكمان الفيديوهات الي شفتها لاشخاص ناجحين بتحكي قصص حياتهم وازاي قدرو يحققو اهدافهم وينجحو ونقيت الافضل فيهم وهعرضو علي حضراتكم دلوقتي بس دا من وجهة نظري الشخصية والي وصلتلو بعد بحث طويل وطبعا وجهات النظر تختلف من شخص لاخر.

1/ فكر فهدفك تاني: هل الهداف دا يتماشي معا صفات الاهداف الذكية (Smart Goals) الي هي تعتبر اسلوب تقضر تحدد بيه اهدافك بشكل صحيح والي من خلالو تقضر تعرف اذا كان هدافك دا قابل للتحقيق ولا محتاج مراجعة تاني منك وتفكير وصفات الاهداف الزكية هي صفات ماخوذة من حروف كلمة (S M A R T) وهي:

محدد_Specific:

 ودا معناه انك تحدد هدفك بطريقة صحيحة ودقيقة من خلالها تقضر تقول ان هدفك بقا محدد صح زي انك تقول..

 انا عاوز اتعلم برمجة

 انا عاوز اتعلم لغة Python او اي لغة تانية حابب تبدء بيها في عالم البرمجة.

قابل للقياس_Measurable:

والصفة دي الي من خلالها تقضر تقيس تقدمك في تحقيق هدفك علي سبيل المثال لو هدفك انك تتعلم لغة البايثون من خلال كورس مجاني عدد الحلقات فيه 50 حلقة وانت اتفرجت علي اول 25 حلقة وفهمتهم وطبقت عليهم يبقي انت كدة حققت 50% من هدفك ويبقي ناقصلك 50% عشان تقضر تقول انك حققت هدفك وفعلا اتعلمت لغة البايثون عشان كدة الصفة دي مهمة جدا في قياس نسبة انجازك لهدفك لانها بتحفك تكمل في تحقيق هدفك والوصول اليه.

قابل للتحقيق_Achievable:

يعني ان الهدف ممكن انك تحققو زي انك تقول:

انا هتعلم لغة Paython في يوم واحد بس

انا هتعلم لغة البايثون في شهر عشان اكون طبقت عليها واتقنتها

مرتبط بالمرحلة العمرية او الواقع_Realistic:

لازم تشوف الاولوية في اهدافك بالنسبة لمرحلتك العمرية يعني مثلا ميبقاش سنك صغير وميسمحلكش انك تتعلم برمجة وتقوم بادئ في تعلمها ....انت ابدء في تعلم الاساسيات لعلم البرمجه وبعديها ابدء في اختيار لغة سهلة في تعلمها وهكذا في بقية الاهداف لانها يجب ان تكون مرتبطة بسنك وبالمرحلة العمرية الي بتمر بيها.

محدد بوقت_Time Framed:

لازم هدفك يكون متحدد بوقت عشان تلزم نفسك بتحقيقه في الوقت الي محدد ليه زي انك تقول:

انا هتعلم لغة البايثون.

انا هتعلم لغة البايثون من خلال تخصيص ساعتين علي الاققل يوميا للتعلم والتطبيق لمدة شهرين.

ولو حددت اهدافك كلها بالشكل الي يخليها اهداف ذكية وقتها هتكون خت اول الخطوات الفعالة في تحقيقها ويبقي الباقي كلو معتمد علي ارادتك وادراتك لهدفك.

 2/ اختصر قايمة الاهداف بمعني ؟....متحطش لنفسك اهداف كبيرة او اهداف كتيرة وحدد اهدافك كلها واكتبها في ورقة بطريقة الاهداف الذكية (Smart Goals) الي وضحناها وبعدين خد تاني خطوة فعالة فتحقيقها وهي انك تختصر قايمة الاهداف والي بيسموها فلترة الاهداف.

3/ اختار هدف او اتنين ابدء بيهم في مسيرة تحقيقك لاهدافك ومتشتغلش علي اهداف كتيرة في وقت واحد عشان متتشتتش لان اي هدف هتشتغل  عليه هيحتاج منك جهد وطاقة فلما تختار اكتر من هدف في وقت واحد طاقتك وجهدك هيتقسمو عليهم فهيكون نصيب كل هدف من طاقتك ومجهودك صغيرين جدا ودا لا يؤدي الي تطور محسوس في تحقيق الهدف ودا الي اتعلمتو من كتاب الشئ الوحيد_The One Thing والي هنكتب مقالة كاملة عنو ف اقرب وقت.

4/ جزء هدفك محطات: جزء هدفك الي اهداف صغيرة وابدء بالنقطة الاولي او اول محطة واما تخلصها اتنقل علي المحطة التالي في الهدف دا هيساعدك في تحقيق الهدف ويزود ثقتك بنفسك ف علي سبيل المثال لو انت حابب تتعلم لغة البايثون من الصفر الي الاحتراف قسم الهدف دا الي تلت محطات لكل محطة كورس فمثلا في المحطة الاولي هتدرس كورس تعلم لغة البايثون للمبتدئين ولو خلصتو وادربت عليه يبقي انتي كدة انجزت 30% من هدفك فتنتقل للمحطة التانية وهي مثلا انك تدرس كورس تعلم لغة البايثون للهواة (For Amateur) ولما تخلصو وتدرب عليه يبقي انت كده انجزت 60% من الهدف بعديها تتنقل للمرحلة الاخيرة في انجاز هدفك وهي تعلم كورس تعلم لغة البايثون للمحترفين (for professionals) ولما تخلصو يبقي انت كده اتممت هدفك بنجاح واتحداك انك لو عملت كده هتبقي فعلا محترف في لغة البايثون او ايا كان حلمك دا.

5/ سجل تقدمك في تحقيق اهدافك: اعرف طريقة من خلالها تقضر تعرف نسبة تقدمك في تحقيق اهدافك واحد تلو الاخر لان دا هيساعدك في تحقيق كل اهدافك لانو بيحفزك تكمل او انك تكتشف الاخطاء الي وقعت فيها اثناء تحقيقك لهدف معين وبالتالي تتجبنو في الاهداف التالية ومن رايي الشخصي افضل طريقة تعرف بيها تقدمك في تحقيق هدفك هو دفتر الانجاز ودا اكثر فاعلية من رايي.

6/ ارسم صورة الهدف في عقلك: ارسم صورة اي هدف نفسك تحققو في عقلك لان عقلك بيفكر بالصور ودا هيساعدك فانك تنجز وتفضل متحمس ودايما قبل متنام فكر فحياتك بعد الوصول الي هدفك لان دا هيساعدك توصل الهدف من العقل الواعي للعقل الا واعي ودا بيدي طاقة اوصرار لتحقيق اهدافك.

 اتمني اكون افدتكم في هذه المقالة وان شاء الله في المقالة الجاية هتكون بعنوان "لماذا نفشل في تحقيق اهدافنا" وفيها هتكلم عن الاسباب الي ممكن تسببلك فشل اثناء تحقيقك لاهدافك والي لازم تتجنبها عشان تقضر تنجح وتحقق كل اهدافك ف اتاكد انك تكون متابعنا ومشترك بالبريد الخاص بيك في صندوق الخدمة البريدية ولو في اي موضوع حابب نتكلم فيه سيبو ف التعليقات وهيتم كتابة مقال فيه ان شاء الله.

هل اعجبك الموضوع :

تعليقات

التنقل السريع